ڕوونکردنەوە

لەم بەشەدا هەوڵ دەدرێت ئەو ڕوونکردنەوانە دابندرێن کە پێوەندییان بە ساخکردنەوەی مێژووی کۆماری کوردستان هەیە. مەبەست تەنێ ئەو هەڵوێست و ڕوونکردنەوانەن کە لە لایەن کەسایەتییەک بە فەرمیی بڵاو دەکرێنەوە. هەڵسەنگاندنی ڕوونکردنەوە بە پێی بەڵگە، مەرجی بنچینەییە بۆ بڵاوکردنەوەی هەڵوێست و ڕوونکردنەوەی کەسایەتییەک و بە هیچ شێوەیەک بەرژەوەندیی لایەنە ڕامیارییەکان لەبەرچاو ناگیردرێت.

هەندێک لێدوانی کەسایەتییەکان کە بە هێند وەردەگیرێن، بە هەمان شێوە لەم بەشەدا دادەندرێن. لە ئەگەری ڕاستکردنەوەیەکدا بەڕێوەبەریی ئەم پێگەیە سەرچاوە و بەڵگەی پێویست بڵاو دەکاتەوە.

هەر بژین

سۆران کرباسیان

پێناسە

ماڵپەڕی کورد دابین کراوە بۆ مژاری مێژوویی و ناساندنی سەرچاوە و بەڵگەی جێمتمانە. لەم ماڵپەڕەدا هەوڵ دەدرێت کە سەرچاوە زارەکییەکان لەگەڵ یەکتر و مێژووی زارەکیی هەڵبسەنگێندرێت. شێواندنی مێژوو یەک لە پلانەکانی داگیرکەرانی کوردستان و نووسەرانی سەر بە ئەوان بووە. ئەم هەوڵانە بە مەبەستی خەوشەدارکردنی کولتوور و وێنەی گشتیی نەتەوەی کورد ئەنجام دراوە. لەم پێگەیەدا بە پێی توانا لەسەر مافە زەوتکراوەکانی نەتەوەی کورد بابەت بڵاو دەکرێتەوە. بەشێک بۆ هەڵسەنگاندنی پەرتووک دابینکراوە کە لە پەرتووکی چێشتی مجێورەوە دەستیپێکراوە. نووسینەکانی ئەم پێگەیە بە پێی قانوونی وڵاتی نۆرێگ گەڵاڵە دەکرێن. ماڵپەڕی کورد پاڵپشتیی لە هیچ لایەنێکی ڕامیاری و ناڕامیاری ناکات. سپاس بۆ سەردانتان. ماڵپەڕی کورد