کۆماری کوردستان
نامیلکەیەکە لەسەر کۆماری کوردستان کە تێیدا چەند بەڵگەیەکی ساختە بە پیی بەڵگە، فاکت و سەرچاوەی جێمتمانە لەقاو دراون. ئەم نامیلکەیە چەندین بابەتی دیکەشی بە دوادا بڵاو بۆتەوە و هێشتا کۆتایی بە پڕۆژەکە نەهاتووە. بە کرتەکردن لەسەر ئەم وێنەیە دەتوانن ئەم نامیلکەیە بخوێننەوە.
شەست‌و‌هەشت
پەمەنی کولوفوون دەتوانن کرتە لەسەر ئەم وێنەیە بکەن.پەرتووکێکی بەڵگەمەندە لەسەر کوشتاری بەکۆمەڵی کورد لە گوندی قاڕنێ. بۆ کڕینی ئەم پەرتووکە لە چا
سەربردەی ژیانم
بەرگی یەکەمی بیرەوەرییەکانی رسول پیشنماز لە ژێر ناوی سەربردەی ژیانم کە پێشتر بە چاپ گەییشتبوو، سەرلەنوێ بە قەڵەمی سۆران کرباسیان نووسراوەتەوە. ئەم پەرتووکە لە چاو وەشانی یەکەمی گۆڕانێکی زۆری بەسەردا هاتووە و لە لایەن چاپەمەنی ئەرزان بە چاپ گەییشتووە. بۆ کڕینی ئەم پەرتووکە دەتوانن کرتە لەسەر ئەم وێنەیە بکەن.
ئەم نامیلکەیە بۆ یەکەمجار لە لایەن ناوەندی نووچە و شرۆڤەی ڕۆژەوە لە ڕێکەوتی دووی ڕێبەندانی دوو ساڵ بەر لە ئێستا (٢٠١٢ی زایینیی) بڵاو بۆوە.
 

لەم نامیلکەیەدا وێڕای چاوخشاندنێکی ورد بەسەر چەند تەوەرێکی گرنگی مێژووی کۆماری کوردستان (١٩٤٦ی زایینیی)، سەرنجی تێکستی نووسەرانێک دراوە کە پێشتر لەسەر کۆماری کوردستان کاریان کردبوو. کۆمەڵێک پرەنسیپ و مێتۆد خستراوە بەرچاو کە هەندێک لە ڕووی نائاگاهییەوە و هەندێکی دیکە بە مەبەستی چەواشەکردنی مێژوو ڕەچاویان نەکردبوو. لێوردبوونەوە لەسەر ئەمجۆرە تێکستانە گەلێک گرنگە، چون مخابن زانیاری ناڕاست لەسەر مێژووی کۆماری کوردستان وەک دەوڵەتێکی سەربەخۆی کوردستانی و کەسایەتییە دیارەکانی خەسارێکی زۆری لە وێنەی ڕاستەقینەی نەتەوەی کورد و مێژووەکەیان داوە. لەم نامیلکەیەدا کۆمەڵێک بەڵگە و فاکت بۆ یەکەمجار بلاو بوونەتەوە و وەک لە کۆتاییشدا ئاماژەی پێکرابوو، لێوردبوونەوەی زۆر تەوەری دیکەی مێژووی کۆمار درێژەی دەبێت. لە دواییدا چەند بابەتێکی دیکە هەر لەم پێوەندییەوە ئامادە و بڵاو کرانەوە. چەند مژاریکی دیکەش هەر لەسەر چەواشەکردنی سیستەماتیکی مێژووی کۆماری کوردستان لە دادێدا لەم پێگەیە بڵاو دەبنەوە کە لایەنی دیکەی شێوێندراوی مێژووی ئەوکات دەردەخەن. یەک لەو بابەتانەی کە لەم پێوەندییەوە ئامادە دەکرێت، لێوردبوونەوە لە تێکستەکانی ”عرفان قانعی‌فرد” و ناساندنی ئەو مێتۆدانەیە کە ئەو بۆ چەواشەکردنی مێژووی کۆماری کوردستان کەڵکی لێوەرگرتوون.

ئەم نامیلکەیە دەتوانن لەم بەستەرەی ژێرەوەدا بخوێننەوە.

تێبینی: ئەو کەسانەی کە زانست و متمانەیان لەم نامیلکەیەدا چووەتە ژێر پرسیار، تا بە ئێستا لەسەر بێدەنگیی خۆیان بەردەوام بوون و ڕوونکردنەوەیەکیان بڵاو نەکردووەتەوە!

www.kurd.no/komar.pdf

Pin It
پێناسە
ماڵپەڕی کورد دابین کراوە بۆ مژاری مێژوویی و ناساندنی سەرچاوە و بەڵگەی جێمتمانە. لەم ماڵپەڕەدا هەوڵ دەدرێت کە سەرچاوە زارەکییەکان لەگەڵ یەکتر و مێژووی زارەکیی هەڵبسەنگێندرێت. شێواندنی مێژوو یەک لە پلانەکانی داگیرکەرانی کوردستان و نووسەرانی سەر بە ئەوان بووە. ئەم هەوڵانە بە مەبەستی خەوشەدارکردنی کولتوور و وێنەی گشتیی نەتەوەی کورد ئەنجام دراوە. لەم پێگەیەدا بە پێی توانا لەسەر مافە زەوتکراوەکانی نەتەوەی کورد بابەت بڵاو دەکرێتەوە. بەشێک بۆ هەڵسەنگاندنی پەرتووک دابینکراوە کە لە پەرتووکی چێشتی مجێورەوە دەستیپێکراوە. نووسینەکانی ئەم پێگەیە بە پێی قانوونی وڵاتی نۆرێگ گەڵاڵە دەکرێن. ماڵپەڕی کورد پاڵپشتیی لە هیچ لایەنێکی ڕامیاری و ناڕامیاری ناکات. سپاس بۆ سەردانتان. ماڵپەڕی کورد
یارمەتیی
ئێوە لە ڕێگەی پێشنیار، تێبینی و ڕەخنەکانتان دەتوانن هاریکارێکی باشی ئەم پێگەیە بن.